तेस्रो आँखा
काठमाडौं । पछिल्लो चौबिस घण्टामा नेपालभर थप एक सय ७३ जनामा कोरोना भाइरस पुष्टि भएको छ ।
दुई हजार आठ सय ३९ जनाको नमुना परीक्षण गर्दा एक सय ७३ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
६ सय ४३ जनाको पीसीआर परीक्षण गर्दा ६५ जनामा र दुई हजार एक सय ९६ जनाको एन्टीजेन परीक्षण गर्दा एक सय आठ जनामा कोरोना भाइरस पुष्टि भएको हो ।
मन्त्रालयका अनुसार पछिल्लो चौबीस घण्टामा कोरोना संक्रमणको कारण कसैको मृत्यु भएको छैन भने तीन सय ९६ संक्रमित निको भएका छन् ।
हाल नेपालभर सक्रिय कोरोना संक्रमितको संख्या तीन हजार छ सय १२ रहेको छ ।
