तेस्रो आँखा
काठमाडौं । पछिल्लो चौबीस घण्टामा नेपालभर थप दुई सय २६ जनामा कोरोना भाइरस पुष्टि भएको छ ।
जम्मा चार हजार ११ जनाको नमुना परीक्षण गर्दा दुई सय २६ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
एक हजार पाँच सय २५ जनाको पिसिआर परीक्षण गर्दा एक सय ४५ जनामा र दुई हजार चार सय ८६ जनाको एन्टीजेन परीक्षण गर्दा ८१ जनामा कोरोना संक्रमण देखिएको हो ।
चौबीस घण्टामा कोरोना संक्रमणको कारण कसैको मृत्यु भएको छैन भने दुई सय २३ संक्रमित निको भएका छन् ।
हाल नेपालभर सक्रिय कोरोना संक्रमितको संख्या तीन हजार दुई सय ३५ रहेको छ ।
