तेस्रो आँखा
काठमाडौं । पछिल्लो चौबीस घण्टामा नेपालभर थप दुई सय ७१ जनामा कोरोना भाइरस पुष्टि भएको छ ।
जम्मा तीन हजार नौ सय २० जनाको नमुना परीक्षण गर्दा दुई सय ७१ जनामा कोरोना भाइरस देखिएको स्वास्थ्य तथा जनसंख्या मन्त्रालयले जनाएको छ ।
दुई हजार चार सय ८५ जनाको पिसिआर परीक्षण गर्दा दुई सय २४ जनामा र एक हजार चार सय ३५ जनाको एन्टीजेन परीक्षणमा ४७ जनाको कोरोना भाइरस पुष्टि भएको हो ।
मन्त्रालयका अनुसार पछिल्लो चौबीस घण्टामा कोरोना संक्रमणको कारण एक जनाको मृत्यु भएको छ भने एक सय ५७ संक्रमित निको भएका छन् ।
हाल नेपालभर सक्रिय कोरोना संक्रमितको संख्या तीन हजार एक सय ९४ रहेको छ ।
