काठमाण्डौं । चौबीस घण्टामा तीन सय जनामा कोरोना संक्रमण पुष्टि भएको छ । चार हजार पाँच सय ९० जनाको नमुना परीक्षण गर्दा तीन सय जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । सधैंजसो पीसीआर र एन्टिजेन प्रविधिबाट कोरोना परीक्षण गरिएको हो ।
चौबीस घण्टामा एक सय २४ जना संक्रमित निको भएका छन् । यो अवधिमा संक्रमणका कारण कसैको पनि मृत्यु नभएको मन्त्रालयले जनाएको छ । नेपालमा अहिले दुई हजार चार सय ५७ जना कोरोनाका सक्रिय संक्रमित रहेको तथ्यांक छ । पछिल्लो समय थप तीन लाख ५९ हजार ६५ जनाले कोरोनाविरुद्धको खोप लगाएका छन् ।
