तेस्रो आँखा
काठमाडौं । पछिल्लो चौबीस घण्टामा नेपालभर थप दुई सय २७ जनामा कोरोना भाइरस पुष्टि भएको छ ।
जम्मा चार हजार चार सय एक जनाको नमुना परीक्षण गर्दा दुई सय २७ जनामा कोरोना भाइरस पुष्टि भएको स्वास्थ्य तथा जनसंख्या मन्त्रालयले जनाएको छ ।
एक हाजर पाँच सय १८ जनाको पिसिआर परीक्षण गर्दा एक सय ३७ जनामा र दुई हजार आठ सय ८३ जनाको एन्टीजेन परीक्षण गर्दा ९० जनामा कोरोना भाइरस देखिएको हो ।
मन्त्रालयका अनुसार पछिल्लो चौबीस घण्टामा कोरोना भाइरसको कारण एक जनाको मृत्यु भएको छ भने एक सय ६८ संक्रमित निको भएका छन् ।
हाल नेपालभर सक्रिय कोरोना संक्रमितको सख्ंया दुई हजार चार सय ७३ रहेको छ ।
