तेस्रो आँखा
काठमाडौं । पछिल्लो चौबीस घण्टामा नेपालभर थप एक सय १९ जनामा कोरोना भाइरस पुष्टि भएको छ ।
जम्मा चार हजार ८४ जनाको नमुना परीक्षण गर्दा एक सय १९ जनामा कोरोना भाइरस पुष्टि भएको स्वास्थ्य तथा जनसंख्या मन्त्रालयले जनाएको छ ।
एक हजार नौ सय ५५ जनाको पिसिआर परीक्षण गर्दा ८९ जनामा र दुई हजार एक सय २९ जनाको एन्टीजेन परीक्षण गर्दा ३० जनामा कोरोना भाइरस पुष्टि भएको छ ।
मन्त्रालयका अनुसार पछिल्लो चौबीस घण्टामा कोरोना संक्रमणको कारण कसैको मृत्यु भएको छैन भने एक सय ३० संक्रमित निको भएका छन् ।
हाल नेपालभर सक्रिय कोरोना संक्रमितको संख्या दुई हजार एक सय ९१ रहेको छ ।
