काठमाडौं । नेपाली बजारमा सुनको मूल्य आज एक हजार रुपैयाँले घटेको छ । छापावाल सुनको मूल्य शुक्रबार एक हजार रुपैयाँले घट्दै ९१ हजार ५०० रुपैयाँमा कारोबार भइरहेको नेपाल सुनचाँदी व्यावसायी महासंघले जनाएको छ । हिजो (बिहीबार) भने प्रतितोला ९२ हजार पाँच सय रुपैयाँमा कारोबार भएको थियो ।
यस्तै, तेजाबी सुन प्रतितोला ९१ हजार रुपैयाँमा करोबार भएको छ । बिहीबार तेजाबी सुन प्रतितोला ९२ हजार रुपैयाँमा करोबार भएको थियो ।
त्यसैगरी, शुक्रबार चाँदीको मूल्य प्रतितोला १० रुपैयाँले घट्दै एक हजार १७० रुपैयाँमा कारोबार भइरहेको महासंघले जनाएको छ ।
