तुलसीपुर ६ असार /
दाङको तुलसीपुर उपमहानगरपालिका ९ मा रहेको अमृतपुर खानेपानी उपभोक्ता तथा सरसफाई संस्थामा उपभोक्ताहरुले ताला लगाएका छन् । खानेपानीको लाखौ रकम हिनामिना भएपछि थाहा पाएपछि उपभोक्ताहरुले बुधबार संस्थामा ताला लगाएका हुन् ।
कार्यसमितीले कोषको रकम हिनामिना गरेको भन्दै खानेपानी कार्यालय घेराउ गर्न पुगेका उपभोक्ताहरुले संस्थाको २० लाख बढी रुपैया हिनामिना गरेको भन्दै यथार्थ विवरण माग गरी कार्यालयमा ताला लगाएका हुन ।
संस्थाको पैसा अध्यक्ष चन्द्रकान्त खरेलले २ लाख ३५ हजार रुपैया, सचिव दशरथ वलीले २ लाख ५६ हजार ९ सय रुपैया, कोषाध्यक्ष केशव बहादुर वलीले १५ लाख ५८ हजार रुपैया गरी जम्मा २० लाख ४९ हजार ९ सय रुपैया हिनामिना गरेको खुलेको छ । उपभोक्ताहरुले यस विषमा कुनै टुंगो नलागेसम्म कार्यालयमा ताला यथावत राख्ने तर खानेपानी आपुर्तिमा भने कुनै अवरोध नगर्ने बताएका छन् ।
