- तेस्रो आँखा डेस्क
काठमाडौं । कोभ्याक्स कार्यक्रमअन्तर्गत कोरोना भाइरसविरुद्वको ६ लाख ६४ हजार ५ सय ६० डोज फाइजर खोप शुक्रबार काठमाडौ आइपुगेको छ ।
स्वास्थ्य सेवा विभागकाअनुसार प्राप्त खोप काठमाडौं उपत्यकाका तीन जिल्लासहित चितवन, सिन्धुली र डडेलधुराका १२ देखि १७ बर्ष उमेर समूहका किशोर किशोरीलाई खोप लगाइनेछ। सरकारले पुस १३ गतेदेखि ८ जिल्लामा लगाउने भएको छ ।
हाल ५७ जिल्लाका १२ देखि १७ बर्ष उमेर समूहका किशोर किशोरीमा खोप अभियान सञ्चालन भइरहेको छ । हालसम्म कोभ्याक्स कार्यक्रमअन्तर्गत ७० लाख बढी डोज खोप नेपाल आइसकेको छ । ६० लाख फाइजरको खोप खरिद गर्ने प्रकृया सुरु भइसकेको बताइएको छ ।
