काठमाडौँ । गायिका उमा श्रेष्ठको स्वर रहेको नयाँ गीत ‘के भुल गरेथे र मैले’ सार्वजनिक भएको छ । अर्जुन थेबेको शब्द र देवराज आले मगरको सङ्गीत रहेको गीतमा विशाल निरौलाको सङ्गीत संयोजन छ ।
गीतको भिडियो समेत बनेको छ । जसमा अभिनेता सीमान्त उदास र गायिका उमा श्रेष्ठको अभिनय देख्न सकिन्छ । एक दम्पतीको सन्तान नहुँदाको पारिवारिक तनाव भिडियोले कथाको रूपमा उठाएको छ ।
कमल एक्चै मगरको निर्देशन रहेको भिडियोमा चक्र महर्जनको छायाङ्कन र निर्देशक मगरकै सम्पादन छ । भिडियो गायिका उमा श्रेष्ठको अफिसियल च्यानलमार्फत सार्वजनिक गरिएको हो ।
