सङ्खुवासभा, १२ माघ/ सङ्खुवासभाको मकालु गाउँपालिका–२ लिम्दुसामा आगलागी हुँदा नगद रु दुई लाखसहित रु २० लाखबराबरको क्षति भएको छ ।
आगलागीबाट मकालु–२ लिम्दुसाका फुदोर्ची शेर्पाको घर जलेर नष्ट भएको वडाध्यक्ष छोपाल शेर्पाले जानकारी दिनुभयो । आगलागीबाट करिब रु २० लाखबराबरको क्षति भको वडाध्यक्ष शेर्पाले बताउनुभयो ।
आगलागीबाट दुई तोला सुन, रु दुई लाख नगद, अन्न, लत्ताकपडासहितका सामान जलेर नष्ट भएको वडाध्यक्ष शेर्पाले बताउनुभयो । गए राति खाना पकाउने ठाउँबाट सल्किएर आगो लागेको थियो ।
