काठमाडौं, २९ पुस । एपिएफलाई हराउँदै हेल्प नेपाल तालिकाको दोस्रो स्थानमा उक्लेको छ ।
पोखरामा जारी दोस्रो संस्करणको टाइगरकप महिला तथा पुरुष भलिबल च्याम्पियनसिपको पुरुषतर्फको खेलमा हेल्प नेपालले एपीएफ क्लबलाई ३-१ को अन्तरमा हराएको हो।
बिहिबार भएको खेलमा हेल्प नेपालले पहिलो सेट २५-२३ ले गुमाए पनि दोस्रो, तेस्रो र चौथो सेट क्रमशः २५-२०, २५-१५ र २५-१९ ले जित्दै खेल आफ्नो पक्षमा पारेको हो । यो हेल्प नेपालको दोस्रो जीत हो।
यो जित सँगै हेल्प नेपाल ७ अंक जोड्दै तालिकाको दोस्रो स्थानमा उक्लेको छ भने अंक विहीन एपीएफ प्रतियोगिताबाट बाहिरिएको छ। जारी प्रतियोगितामा पुरुषतर्फ पाँच र महिला तर्फ पाँच गरि दश टोलिको सहभागिता रहेको छ।
