तुलसीपुर२६ माघ/तुलसीपुर महोत्सवमा आज चर्चित लोक गायक पुस्कल शर्मा आउँदैछन् । बुधबारदेखि शुरु भएको महोत्सवमा शुक्रबार चर्चित गायक शर्मासहित राष्ट्रिय तथा स्थानीय कलाकारको प्रस्तुती रहने महोत्सव मूल आयोजक समितिले जनाएको छ ।
आज कार्यक्रममा चर्चित गायिका सम्झना रनपाल, गायक बिष्णु सिङजाली, गायक एकराज भण्डारीसहित तुलसीपुर डान्स आइडल, लोकदोहोरी प्रतियोगिताका साथै स्थानीय कलाकारहरुको प्रस्तुती रहने आयोजकले जनाएको छ ।
तुलसीपुर-६ को खुल्ला मैदानमा संचालित महोत्सव फागुन ८ गतेसम्म संचालन हुने महोत्सव मूल आयोजक समितिका संयोजक रामप्रसाद चालिसेले बताए । स्थानीय वस्तुको बजारीकरणका लागि संचालित महोत्सवबाट संकलित रकमलाई सामाजिक काममा लगाउने आयोजकले दावि गरेको छ ।
