काठमाडौं, ५ पुस । पछिल्लो २४ घण्टामा ११ हजार ३५२ जनामा कोरोना संक्रमण पुष्टि भएको छ । मंगलबार १० हजार २५८ जनामा पुष्टि भएको संक्रमण आज बढेर ११ हजार ३५२ जनामा पुष्टि भएको हो ।
नेपालभर २३ हजार ४०९ जनामा गरिएको परिक्षणमा ११ हजार ३५२ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
१८ हजार ७८ नमुनाको पीसीआर परिक्षण गर्दा ९ हजार ५०२ तथा ५ हजार ३३१ नमुनाको एन्टीजेन परिक्षण गर्दा एक हजार ८५० जनामा संक्र्रमण पुष्टि भएको हो ।
मन्त्रालयकाअनुसार ६ हजार ३४३ जना काठमाडौं उपत्यकाका छन् । जसमा काठमाडौंका ४ हजार ६६६, भक्तपुरका ५७८ र ललितपुरका १ हजार १९ जना छन् ।
पछिल्लो २४ घण्टामा कोरोनाको कारण ४ जनाको मृत्यु भएको छ भने ६२३ जना निको भएको मन्त्रालयले जनाएको छ ।
