काठमाडौं, ६ माघ । पछिल्लो २४ घण्टामा १२ हजार ३३८ जना नयाँ कोरोना संक्रमण थपिएका छन् ।
नेपालभर २७ हजार ४९७ जनामा परिक्षण गर्दा १२ हजार ३३८ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
त्यस्तै, २१ हजार ७ जनाको पिसिआर परिक्षण गर्दा १० हजार ५२ जनामा र ६ हजार ४९० जनाको एन्टीजेन परक्षण गर्दा २ हजार २८६ जनामा कोरोना संक्रमण देखिएको हो ।
पछिल्लो २४ घण्टामा कारोनाको कारण चार जनाको मृत्यु भएको छ भने ६ सय ४९ जना निको भएको मन्त्रालयले जनाएको छ । नेपालमा ५७ हजार ३२८ सक्रिय संक्रमित रहेका छन् ।
