काठमाडौं, २० माघ । नेपालभर कोरोना संक्रमणको कारण १४ जनाको मृत्यु भएको छ। २४ घण्टामा कोरोना संक्रमणको कारण थप १४ जनामो मृत्यु भएको स्वास्थ्य तथा जनसंख्या मन्त्रालयले जनाएको छ।
यससँगै, संक्रमणका कारण नेपालभर हालसम्म ११ हजार सात सय ७८ जनाकाे मृत्यु भएकाे छ ।
त्यस्तै, पछिल्लो २४ घण्टामा तीन हजार एक सय ७५ जनामा कोरोना संक्रमण पुष्टि भएको मन्त्रालयले जनाएको छ। १२ हजार छ सय पाँच जनाको नमुनार परिक्षण गर्दा साे संख्या थपिएकाे हाे ।
१० हजार २६ पिसिआर परिक्षणका क्रममा दुई हजार सात सय ४२ जनामा र दुई हजार पाँच ७९ एन्टीजेन परिक्षण गर्दा चार सय ३३ जनामा कोरोना संक्रमण पुष्टि भएको हो।
यस्तै, आठ हजार सात सय २३ कोरोना संक्रमित निको भएका छन्। मन्त्रालयकाअनुसार नेपालभर हाल सक्रिय कोरोना संक्रमितको संख्या ६३ हजार दुई सय ९६ रहेको छ।
