काठमाडौं, २ फागुन । नेपालमा पछिल्लो २४ घण्टामा सात सय ४७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयकाअनुसार पीसीआर र एन्टिजेन गरी आठ हजार ६ सय ९६ जनाको नमुना परीक्षण गर्दा सात सय ४७ जनामा संक्रमण पुष्टि भएको हाे ।
यस्तै, पछिल्लो २४ घण्टामा दुई हजार तीन सय १९ जना निको भएका छन् । योसहित कोरोना संक्रमण मुक्त हुनेको संख्या नौ लाख ४० हजार नौ सय दुई जना पुगेको छ। अहिले नेपालमा २० हजार सात सय ३९ जना सक्रिय संक्रमित रहेका छन् ।
यस्तै पछिल्लो २४ घण्टामा संक्रमणका कारण आठ जनाको ज्यान गएको छ । याेसँगै हाल नेपालमा कोरोनाबाट ज्यान गुमाउनेको संख्या ११ हजार नौ सय पुगेको छ ।
