काठमाडौं, २ फागुन। अभिनेत्री रेखा थापाले सुटुक्क विवाह गरेकी छन्। थापाले इजरायल बस्दै आएका जाजरकोटका बलराम शाहीसँग कोर्ट म्यारिज गरेको बताइएको छ ।
रेखा र शाही केही समयदेखि प्रेम सम्बन्धमा थिए । प्रेमको चर्चा चलेपनि रेखाले आगामी वैशाखमा मात्रै विवाह गर्ने बताउँदै आएकी थिइन् । उनीहरुले काठमाडौं जिल्ला अदालतमा पुगेर विवाह गरेका बताइएको छ ।
अभिनेत्री रेखा थापाको यो दोस्रो विवाह हो। यसअघि उनले निर्माता छविराज ओझासँग विवाह गरेकी थिइन्। ओझासँगकाे वैवाहिक सम्बन्ध १० वर्षअघि सम्बन्धविच्छेदमा टुंगिएपछि एक्लै बस्दै आएकी थिइन् ।
