तेस्रो आँखा
काठमाडौं, ८ फागुन । पछिल्लो २४ घण्टामा नेपालभर दुई सय ६२ जनामा कोरोना संक्रमण पुष्टि भएको छ ।
जम्मा नौ हजार आठ सय १५ जनामा गरिएको नमुना परीक्षणका क्रममा दुई सय ६२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
छ हजार पाँच सय ७२ जनाको पिसिआर परीक्षण गर्दा दुई सय २९ जनामा र तीन हजार दुई सय ४३ जनाको एन्टीजेन परीक्षण गर्दा ३३ जनामा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा नेपालभर कोरोना संक्रमणको कारण चार जनाको मृत्यु भएको छ भने एक हजार तीन सय ३८ जना कोरोना संक्रमित निको भएका छन् ।
हाल नेपालभर सक्रिय कोरोना संक्रमितको संख्या १२ हजार दुई सय ४४ रहेको छ ।
