तुलसीपुर २० भदौ । आज हिन्दु नारीहरुको महान पर्व हरितालिका तीजको अघिल्लो दिन । तीजको व्रत बस्ने महिलाहरुले आज माइत घरमा गएर दर खाँदै रमाइलो गर्दैछन् । केही महिलाहरु तीजकै लागि किनमेल गर्नमै व्यस्त छन् । तर चाडपर्वको समयमा पनि व्यवसायीहरु उत्साहित छैनन् ।
गएका वर्षहरुमा चाडपर्वको समयमा भरिभराउँ हुने पसलहरुमा यो वर्ष छिटपुट रुपमा मात्रै ग्राहक देख्न सकिन्छ । केही शृङ्गार पसल र ग्यारेन्टी गहना पाइने पसलहरुमा ग्राहक देखिए पनि अन्य पसलहरु भने सुनसान जस्तै छन् ।
