तेस्रो आँखा
काठमाडौं, १६ फागुन । पछिल्लोे २४ घण्टामा नेपालभर एक सय ८० जना कोरोना संक्रमित थपिएका छन्।
नेपालभर आठ हजार तीन सय ४१ जनाको नमुना परीक्षण गर्दा एक सय ८० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
पाँच हजार दुई सय १८ जनामा गरिएको पिसिआर परीक्षणका क्रममा एक सय १९ जनामा र तीन हजार एक सय २३ जनामा गरिएको एन्टीजेन परीक्षणका क्रममा ६१ जनामा कोरोना संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा कोराना संक्रमणको कारण एक जनाको मृत्यु भएको छ भने चार सय कोरोना संक्रमित निको भएका छन् ।
हाल नेपालभर सक्रिय कोरोना संक्रमितको संख्या आठ हजार दुई सय ३५ रहेको छ ।
