तेस्रो आँखा
काठमाडौं, २४ फागुन । पछिल्लो २४ घण्टामा नेपालभर एक सय ९४ जना कोरोना संक्रमित थपिएका छन् ।
नेपालभर छ हजार तीन सय ९४ जनाको नमुना परीक्षण गर्दा एक सय ९४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएकोे छ ।
तीन हजार छ सय ३८ जनाको पिसिआर परीक्षण गर्दा ७४ जनामा र दुई हजार सात सय ५६ जनाको एन्टीजेन परीक्षण गर्दा एक सय २० जनामा कोरोना संक्रमण पुष्टि भएको हो ।
मन्त्रालयका अनुसार २४ घण्टामा कोरोना संक्रमणको कारण एक जनाको मृत्यु भएको छ भने तीन सय ४८ जना कोरोना संक्रमित निको भएका छन् ।
हाल नेपालमा सक्रिय कोरोना संक्रमितको संख्या पाँच हजार आठ सय ७५ रहेको छ ।
