तेस्रो आँखा
काठमाडौं, २५ फागुन । पछिल्लो २४ घण्टामा नेपालभर २२४ जनामा कोरोना संक्रमण पुष्टि भएको छ ।
जम्मा १० हजार ९२ जनाको नमुना परीक्षण गर्दा दुई सय २४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
छ हजार नौ सय ३६ जनामा गरिएको पिसिआर परीक्षणका क्रममा ६८ जनामा र तीन हजार एक सय ५६ जनामा गरिएको एन्टीजेन परीक्षणका क्रममा एक सय ५६ जनामा कोरोना संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा दुई सय ५१ जना कोरोना संक्रमित निको भएका छन् भने कोरोना संक्रमणको कारण कसैको मृत्यु भएको छैन ।
हाल नेपालमा सक्रिय कोरोना संक्रमितको संख्या पाँच हजार छ सय ९२ रहेको छ ।
