तेस्रो आँखा
तुलसीपुर २८ पुस । तुलसीपुरमा आइतवार रैथाने खाना महोत्सव सम्पन्न भएको छ ।
तुलसीपुर होटल व्यवसायी समितिको आयोजनामा भएको महोत्सवमा रैथाने खानाका १० परिकारहरुको प्रदर्शन गरिएको थियो ।
महोत्सवलाई सम्बोधन गर्दै प्रमुख अतिथि तुलसीपुर उपमहानगरपालिकाका प्रमुख टिकाराम खड्काले महोत्सवलाई व्यपारसँग जोड्न आग्रह गर्नुभयो । प्रदर्शन गर्ने नाममा विहे भोज जस्तो नगर्न सुझाव दिनुभयो । होटलमा भन्दा केहि कम मुल्यमा विक्रि गरी आम्दानीसँग जोड्नुपर्नेमा खड्काले जोड दिनुभयो ।
रैथाने खाना महोत्सवले रैथाने खानाको प्रचारप्रसारसँगै पर्यटन प्रवद्र्धनमा टेवा पुग्ने तुलसीपुर होटल व्यवसायी समितिका अध्यक्ष इन्द्रबहादुर बस्नेतले बताउनुभयो ।
माघी मिलन तथा दोस्रो रैथाने खाना एवम् पौराणिक लोक कला साँस्कृतिक महोत्सव नाम दिइएको कार्यक्रममा विभिन्न साँस्कृतिक नृत्यहरुको समेत प्रदर्शन गरिएको थियो ।
