तेस्रो आँखा
घोराही, १० माघ । साताको अन्तिम कारोबार दिन विहिबारको प्रि–ओपन सेसनमा नेपाल स्टक एक्सचेञ्ज (नेप्से) परिसूचक ४ दशमलव ७७ अंकले बढेको छ ।
बुधवार ५२ अंकले बढेर २ हजार ६ सय ६५ पुगेको नेप्से २ हजार ६ सय ७० अंकमा पुगेको हो । लगातार ४ दिन बढेकाे नेप्से विहिबार पनि बढ्ने लगानीकर्ताहरुको अपेक्षा बमोजिम प्रि–ओपनमा पनि बजार हरियो नै देखिएको छ । प्रि–ओपनमा ३९ वटा कम्पनीको शेयर बढेको छ भने २९ वटा कम्पनीको शेयर घटेको छ । यस्तै कारोबारमा आएको ७ वटा कम्पनीको मुल्य स्थिर रहेको छ ।
७३ लाख ५९ हजार ९ सय ८३ रुपैयाँको कारोबार भएको प्रि–ओपन सेसनमा जलविद्युत र व्यापार बाहेक अन्य सबै उपसमूह बढेको छ । जलविद्युत उपसमूह सामान्य घटेको छ भने व्यापार उपसमूह स्थिर रहेको छ ।
