तेस्रो आँखा
काठमाडौं, १ चैत । शहीद स्मारक ‘बी’ डिभिजन लिग अन्तर्गत श्री भगवती फुटबल ब्लब रानीपोखरी कर्नर टिम (आरसिटी) सँग पराजित भएको छ ।
मंगलबार भएको दोस्रो खेलमा श्री भगवती टिम आरसिटीसँग तीन शुन्यको गोल अन्तरले पराजित भएको हो । लिग अन्तर्गत यो भगवतीले बेहोरेको पहिलो हार हो ।
आरसिटीलाई जित दिलाउन प्रज्वल गुरुङले खेलको २६ औं मिनेटमा गोल गर्दै टोलीलाई सुरुवाती अग्रता दिलाएका थिए ।
त्यसपछि खेलको ४० औं मिनेटमा साहिल केसीले एक गोल गर्दै टोलीको अग्रतालाई दोब्बर बनाए ।
जितसँगै पाँच खेलबाट आठ अंक जोडेको आरसिटी तालिकाको चौथो स्थानमा उक्लिएको छ । समान पाँच खेल खेलेको श्री भगवतीे १० अंक जोडेर अंक तालिकाको तेस्रो स्थानमा बसेको छ ।
यस अघि आजै भएको पहिलो खेलमा सरस्वती युथ क्लबले मध्यपुर युथ एसोसियसनलाई दुई एक गोल अन्तरले पराजित गरेको थियो ।
