तेस्रो आँखा
काठमाडौं, ७ चैत । पछिल्लो २४ घण्टामा नेपालभर ४५ जनामा कोरोना संक्रमण पुष्टि भएको छ ।
जम्मा चार हजार सात सय ५२ जनाको नमुना परीक्षण गर्दा ४५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
दुई हजार नौ सय ७८ जनाको पिसिआर परीक्षण गर्दा ४१ जनामा र एक हजार सात सय ७४ जनाको एन्टीजेन परीक्षण गर्दा चार जनामा कोरोना संक्रमण पुष्टि भएको हो ।
मन्त्रालयका अुसार पछिल्लो २४ घण्टामा कोरोना संक्रमणको कारण शून्य जनाको मृत्यु भएको छ भने एक सय ४७ जना कोरोना संक्रमित निको भएका छन् ।
नेपालभर हाल सक्रिय कोरोना संक्रमितको संख्या तीन हजार एक सय ३५ रहेको छ ।
