तेस्रो आँखा
जुलाई ५, टेक्सास,
भिषण बर्षा पछि टेक्सास राज्यको मध्य भागमा आएको वाढीमा परि १४ जना वालवालिका सहित ३२ जनाको ज्यान गएको भने अरु कैयौ हराई रहेका छन । हराईरहेका मानिसहरुको खोजी कार्यलाई तिब्र पारिएको छ । स्थानीय स्रोतहरुलाई उद्दृत गर्दै विविसीले भनेको छ शुक्रवार विहानै परेको भिषण बर्षा पछि ग्वोण्डालुपे नदिमा पानीको सहत २६ फिट माथि आएको थियो । समर क्याम्पमा नदि किनारमा निदाई रहेका वालबालिकाहरु बाढीमा परेका थिए । अमेरिकामा यतिवेला स्कुलहरुले बर्षे विदा मनाई रहेका छन । स्कुल बिदा भएका अवसरमा साना बालबालिका समर क्याम्पमा बस्न बन क्षेत्रमा जाने गर्छन । शनिवार दिउसो आयोजित पत्रकार सम्मेलनमा बोल्दै टेक्सास राज्यका गभर्नर ग्रेग एवटले उद्दार कार्यलाई तिव्र पार्न बाढी संम्वन्धी आपतकालिन घोषणलाई विस्तार पारिएको बताए । अधिकारीहरुले जीवीतहरुको उद्दार अभियान जारी रहेको बताएका छन । प्रभावित स्थानहरु मध्ये क्रिश्चियन समर क्याम्पमा गएका वालबालिका खोज्ने कामलाई प्रथमिकता दिईएको छ । टेक्सासको हंट शहरमा क्याम्पमा गएका २७ जना बालबालिका अझै हराई रहेका छन । यो आपदको घडिमा अमेरिकी राष्ट्रपति डोनाल्ड ट्रम्पले संघिय सरकार स्थानीय अधिकारीहरु संग मिलेर काम गर्ने बताएका छन ।
