काठमाडौँ, असार २५ । स्थानीय बजारमा आज सुनचाँदीको मूल्य घटेको छ । हिजो बुधबारको तुलनामा सुन तोलामा दुई हजार ४०० र चाँदी १६० ले घटेको हो ।
नेपाल सुनचाँदी व्यवसायी महासङ्घका अनुसार आज छापावाल सुुन प्रतितोला दुई लाख ८४ हजार ७०० र त्यति नै परिमाणको सेतो धातुको मूल्य चार हजार ३४० कायम भएको छ ।
हिजो छापावाल सुुन प्रतितोला दुई लाख ८७ हजार १०० र त्यति नै परिमाणको सेतो धातुको मूल्य चार हजार ५०० मा कारोबार भएको थियो ।
अन्तर्राष्ट्रिय सञ्चार माध्यमहरूका अनुसार अन्तर्राष्ट्रिय बजारमा आज एक औँस सुन चार हजार ७५ र चाँदी ५७ अमेरिकी डलरमा कारोबार भइरहेको छ । रासस
