तेस्रो आँखा
काठमाडौं, ६ वैशाख । पछिल्लो २४ घण्टामा नेपालभर थप १० जनामा कोरोना संक्रमण पुष्टि भएको छ ।
नेपालभर चार हजार चार सय तीन जनाको नमुना परीक्षण गर्दा १० जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
तीन हजार ५८ जनाको पिसिआर परीक्षण गर्दा १० जनामा र एक हजार तीन सय ४५ जनाको एन्टीजेन परीक्षण गर्दा शून्य जनामा कोरोका संक्रमण देखिएको हो ।
२४ घण्टामा कोरोना संक्रमणको कारण शून्य जनाको मृत्यु भएको छ भने २६ जना संक्रमित निको भएका छन् ।
हाल नेपालमा सक्रिय कोरोना संक्रमितको संख्या तीन सय ३४ रहेको छ ।
