तेस्रो आँखा
काठमाडौं, ८ वैशाख । पछिल्लो २४ घण्टामा नेपालभर थप १५ जनामा कोरोना संक्रमण पुष्टि भएको छ ।
जम्मा तीन हजार पाँच सय ४७ जनाको नमुना परीक्षण गर्दा १५ जनामा कारोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
दुई हजार ८३ जनाको पिसिआर परीक्षण गर्दा १२ जनामा र एक हजार चार सय ६४ जनाको एन्टीजेन परीक्षण गर्दा तीन जनामा कोरोना संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने ३२ जना संक्रमित निको भएका छन् ।
हाल नेपालमा सक्रिय कोरोना संक्रमितको संख्या दुई सय ९८ रहेको छ ।
