तेस्रो आँखा
काठमाडौं, १४ वैशाख । पछिल्लो २४ घण्टामा नेपालभर थप ११ जनामा कोरोना संक्रमण पुष्टि भएको छ ।
जम्मा पाँच हजार आठ सय ९१ जनाको नमुना परीक्षण गर्दा ११ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
चार हजार एक सय १९ जनाको पिसिआर परीक्षण गर्दा आठ जनामा र एक हजार सात सय ७२ जनाको एन्टीजने परीक्षण गर्दा तीन जनामा कोरोना संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने १७ जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या दुई सय ५२ रहेको छ ।
