तेस्रो आँखा
काठमाडौं, १७ वैशाख । पछिल्लो २४ घण्टामा नेपालभर थप पाँच जनामा कोरोना संक्रमण पुष्टि भएको छ ।
जम्मा दुई हजार दुई सय १४ जनाको नमुना परीक्षण गर्दा पाँच जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
एक हजार ६६ जनाको पिसिआर परीक्षण गर्दा चार जनामा र एक हजार एक सय ४८ जनाको एन्टीजेन परीक्षण गर्दा एक जनामा कोरोना संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने १७ जना संक्रमित निको भएका छन् ।
हाले नेपालभर सक्रिय कोरोना संक्रमितको संख्या दुई सय ३० रहेको छ ।
