तेस्रो आँखा
काठमाडौं, २० वैशाख । पछिल्लो २४ घण्टामा नेपालभर थप ३२ जनामा कोरोना संक्रमण पुष्टि भएको छ ।
जम्मा तीन हजार ९४ जनाको नमुना परीक्षण गर्दा ३२ जनामा कोरोना संक्रमण देखिएका स्वास्थ्य तथा जनसंख्या मन्त्रालयले जनाएको छ ।
एक हजार पाँच सय चार जनाको पिसिआर परीक्षण गर्दा २९ जनामा र एक हजार पाँच सय ९० जनाको एन्टीजने परीक्षण गर्दा तीन जनामा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने २३ जना संक्रमित निको भएका छन् ।
हाल नेपालमा सक्रिय कोरोना संक्रमितको संख्या दुई सय १७ रहेको छ ।
