तेस्रो आँखा
काठमाडौं, २४ वैशाख । पछिल्लो २४ घण्टामा नेपालभर थप १४ जनामा कोरोना संक्रमण पुष्टि भएको छ ।
जम्मा दुई हजार सात सय १६ जनाको नमुना परीक्षण गर्दा १४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
एक हजार चार सय २० जनाको पिसिआर परीक्षण गर्दा ११ जनामा र एक हजार दुई सय ९६ जनाको नमुना परीक्षण गर्दा तीन जनामा कोरोना संक्रमण पृष्टि भएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने २१ जना संक्रमित निको भएका छन् ।
हाल नेपालमा सक्रिय कोरोना संक्रमितको संख्या दुई सय पाँच रहेको छ ।
