तेस्रो आँखा
काठमाडौं, ३० वैशाख । पछिल्लो २४ घण्टामा नेपालभर थप सात जनामा कोरोना संक्रमण पुष्टि भएको छ ।
जम्मा एक हजार चार सय ३७ जनाको नमुना परीक्षण गर्दा सात जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
एक हजार एक सय ४८ जनाको पिसिआर परीक्षण गर्दा सात जनामा र दुई सय ८९ जनाको एन्टीजेन परीक्षण गर्दा शून्य जनामा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने १६ जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या एक सय ६४ रहेको छ ।
