काठमाडौं, १५ मंसिर । नेपाल आइडलबाट चर्चामा आएकी गायिका रचना रिमालले ‘हारले निखार ल्याउँछ मेरो जिन्दगी’ बोलको गीत बजारमा ल्याएकी छन् । सार्वजनिक गीतमा रचनासँगै रवि ओड, प्रविन बेडवाल र बाबुल गिरीको स्वर छ ।
धनेन्द्र रसाइलीको शब्द रहेको गीतमा बाबुल गिरीको संगीत तथा संगीत संयोजन रहेको छ । रचनाले आफ्नै युट्युब च्यानलमार्फत यो गीतको भिडियो सार्वजनिक गरेकी हुन् । संगीत सागरको निर्देशनमा बनेको भिडियोमा गायक–गायिका स्वयंलाई फिचरिङ गरिएको छ । विश्वास भण्डारीको छायांकन रहेको भिडियोलाई पदम सुवेदीले सम्पादन गरेका हुन् ।
