तेस्रो आँखा
काठमाडौं, १० जेठ । पछिल्लो २४ घण्टामा नेपालभर थप १६ जनामा कोरोना संक्रमण पुष्टि भएको छ ।
जम्मा दुई हजार नौ सय २० जनाको नमुना परीक्षण गर्दा १६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
एक हजार नौ सय ९८ जनाको पिसिआर परीक्षण गर्दा ११ जनामा र नौ सय २२ जनाका एन्टीजेन परीक्षण गर्दा पाँच जनामा कोरोना संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने ११ जना संक्रमित निको भएका छन् ।
हाल नेपालभर सक्रिय कोरोना संक्रमितका संख्या एक सय ३३ रहेको छ ।
