काठमाडाैं, १६ मंसिर । राप्रपाको महामन्त्री पदमा उम्म्मेदवारी घोषणा गर्दै चलचित्र नायिका रेखा थापाले शीर्षनेताहरू आफूभन्दा खत्रा कलाकार रहेका टिप्पणी गर्नुभएको छ ।
काठमाडौंमा बुधबारबाट सुरु भएको राप्रपाको महाधिवेशनमा राजेन्द्र लिङ्देन समूहबाट महामन्त्री पदमा उम्मेदवारी घोषणा गर्नुभएकी थापाले आफू दर्शक नभएर खेलाडीको रूपमा मैदानमा उत्रिएको बताउनुभयो ।
नयाँ पुस्तालाई नेतृत्व हस्तान्तरण गर्ने बताए पनि पुरानै नेतालाई जिताउने परिपाटी अन्त्य नगरेसम्म पार्टी राम्रो हुन नसक्ने उहाँको तर्क छ ।
