तेस्रो आँखा
काठमाडौं, १८ जेठ । पछिल्लो २४ घण्टामा नेपालभर थप १५ जनामा कोरोना संक्रमण पुष्टि भएको छ ।
जम्मा चार हजार आठ सय ४२ जनाको नमुना परीक्षण गर्दा १५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
तीन हजार नौ सय २९ जनाका पिसिआर परीक्षण गर्दा १२ जनामा र नौ सय १३ जनाको एन्टीजेन परीक्षण गर्दा तीन जनमा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने ११ जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या ९८ रहेको छ ।
