जुम्ला, १७ मंसिर । जुम्लाकाे कनकासुन्दरी र चन्दननाथ गाउँपालिकाका ५५५ व्यक्तिलाई राहत वितरण गरिएको छ ।
कोरोनाका कारण प्रभावित २४९ जना अपाङ्गता भएका व्यक्ति र विपन्न नागरिकलाई गरी ५५५ जनालाई राहत वितरण गरिएको अपांग पुर्नस्थापना तथा विकास केन्द्र जुम्लाले जानकारी दिएकाे छ ।
सहायता कार्यक्रम अन्तर्गत करिब ६ महिना पुग्ने खाद्यन्न वितरण गरिएको केन्द्रका अध्यक्ष नन्दराज धितालले जानकारी दिनुभयो ।
राहतका रूपमा चामल ६० केजी, दाल १५ केजी, १ किलो नून, दुईवटा सावुन, जिरा, खुर्सानी, धनियासहितका खाद्य सामग्री वितरण गरिएको परियोजना संयोजक ठालुराम चौधरीले जानकारी दिनुभयो ।
