तेस्रो आँखा
काठमाडौं, २३ जेठ । पछिल्लो २४ घण्टामा नेपालभर थप २१ जनामा कोरोना संक्रमण पुष्टि भएको छ ।
जम्मा तीन हजार दुई सय ४८ जनाको नमुना परीक्षण गर्दा २१ जनामा कोरोना संक्रमण देखिएका स्वास्थ्य तथा जनसंख्या मन्त्रालयले जनाएको छ ।
एक हाजर नौ सय ९० जनाको पिसिआर परीक्षण गर्दा सात जनामा र एक हजार दुई सय ५८ जनाको एन्टीजेन परीक्षण गर्दा १४ जनामा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने आठ जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या एक सय नौ रहेको छ ।
