तेस्रो आँखा
काठमाडौं, १८ असार । पछिल्लो २४ घण्टामा नेपालभर थप ४४ जनामा कोरोना संक्रमण पुष्टि भएको छ ।
जम्मा दुई हजार चार सय ६७ जनाको नमुना परीक्षण गर्दा ४४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
एक हजार दुई सय एक जनाको पिसिआर परीक्षण गर्दा ३३ जनामा र एक हजार दुई सय ६६ जनाको एन्टीजेन परीक्षण गर्दा ११ जनामा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने १६ जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या तीन सय १४ रहेको छ ।
