तेस्रो आँखा
काठमाडौं, २० असार । पछिल्लो २४ घण्टामा नेपालभर थप ४० जनामा कोरोना संक्रमण पुष्टि भएको छ ।
जम्मा तीन हजार १० जनाको नमुना परीक्षण गर्दा ४० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
एक हजार आठ सय ४७ जनाको पिसिआर परीक्षण गर्दा ३४ जनामा र एक हजार एक सय ६३ जनाको एन्टीजेन परीक्षण गर्दा छ जनामा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने १९ जना संक्रमित निको भएका छन् ।
हाल नेपालभर सक्रिय कोरोना संक्रमितको तीन सय ४८ रहेको छ ।
