तेस्रो आँखा
काठमाडौं, २६ असार । पछिल्लो २४ घण्टामा नेपालभर थप एक सय २१ जनामा कोरोना संक्रमण पुष्टि भएको छ ।
जम्मा तीन हजार ४५ जनाको नमुना परीक्षण गर्दा एक सय २१ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
एक हजार सात सय जनाको पिसिआर परीक्षण गर्दा एक सय चार जनामा र एक हजार तीन सय ४५ जनाको एन्टीजेन परीक्षण गर्दा १७ जनामा कोरोना संक्रमण देखिएको हो ।
पछिल्लो २४ घण्टामा कोरोना संक्रमणको कारण कसैको मृत्यु भएको छैन भने ३१ जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या छ सय ७८ रहेको छ ।
