तेस्रो आँखा
काठमाडौं, २८ असार। पछिल्लो २४ घण्टामा नेपालभर थप एक सय ७७ जनामा कोरोना संक्रमण पुष्टि भएको छ ।
जम्मा ती हजार एक सय २६ जनाको नमुना परीक्षण गर्दा एक सय ७७ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
एक हजार आठ सय पाँच जनाको पिसिआर परीक्षण गर्दा एक सय ४४ जनामा र एक हजार तीन सय २१ जनाको एन्टीजेन परीक्षण गर्दा ३३ जनामा संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने ४१ जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या आठ सय ७३ रहेको छ । अघिल्लो दिन एक सय ६८ जनामा कोरोना संक्रमण पुष्टि भएको थियो भने सक्रिय संक्रमितको संख्या सात सय ७० रहेको थियो ।
