तेस्रो आँखा
काठमाडौं,४ पुस । शहिद स्मारक ए डिभिजन लिगमा आज एक खेल हुँदैछ । त्रिपुरेश्वरस्थित दशरथ रंगशालामा हिमालयन शेर्पा र ब्रिगेड ब्वाइज क्लबबीचको खेल साँझ पौने ५ बजे सुरु हुनेछ ।
हिमालयन शेर्पा ४ खेलमा २ अंक जोडेर तालिकाको १३ औं स्थानमा रहेको छ । उसमाथि रेलिगेसनको दबाब सुरु भएको छ । जावलाखेल युथ क्लबले अघिल्लो दिन प्राप्त गरेको जितपछि हिमालयन रेलिगेसन क्षेत्रमा झरेको हो ।
ब्रिगेडलाई हराउँदै हिमालयन रेलिगेसन क्षेत्रबाट माथि उक्लन चाहन्छ । यता, ब्रिगेड ब्वाइज ४ खेलमा ५ अंक जोडेर आठौं स्थानमा रहेको छ । ब्रिगेड हिमालयनलाई हराएर शीर्ष पाँचमा उक्लने योजनामा हुनेछ । दुबै टिमलाई आफ्नो स्थिति सुधार्न जित आवश्यक रहेको छ ।
