काठमाडौं । राष्ट्रिय स्वतन्त्र पार्टी (रास्वपा)ले सहकारी र लघुवित्तका समस्या समाधानका उपायबारे तयार पारेको प्रतिवेदन सरकारलाई बुझाउने भएको छ ।
पार्टी उपसभापति डा स्वर्णिम वाग्ले नेतृत्वको कार्यदलले तयार पारेको उक्त प्रतिवेदन रास्वपाले मंगलबार सरकारलाई बुझाउन लागेको हो ।
प्रतिवेदन निमार्णका क्रममा विषय विज्ञहरु र सहकारी पीडितहरुसँग सघन अन्तरक्रिया समेत गरेको रास्वपाले जनाएको छ ।
गत महिना रास्वपाले सहकारी र लघुवित्तका समस्या समाधानका उपायबारे अध्ययन गर्न कार्यदल गठन गरेको थियो ।
