काठमाडौं १३ असोज । नेपाली कांग्रेसले बाढीपहिरो पीडितका लागि ५० लाख रुपैँया सहयोग गर्ने निर्णय गरेको छ ।
आइतबार बिहान सभापति शेरबहादुर देउवाको निवास बूढानीलकण्ठमा बसेको केन्द्रीय कार्यसम्पादन समिति बैठकले बाढीपहिरो पीडितका लागि राहत कोषमा ५० लाख रुपैयाँ जम्मा गर्ने निर्णय हो ।
‘बाढीपीडितको सहयोगका लागि कांग्रेसले तत्काल ५० लाख सरकारको कोषमा जम्मा गर्ने निर्णय भएको प्रवक्ता प्रकाशशरण महतले जानकारी दिनुभयो । उहाँका अनुसार संसदीय दलले पनि सांसदहरूको १५ दिनको पारिश्रमिक दिने निर्णय गरेको छ । त्यसका साथै कांग्रेसका नेता तथा कार्यकर्ताहरूलाई बाढीपहिरोमा परेकाहरूको उद्धार तथा राहतमा जुट्न निर्देशन दिइएको पनि महतले जानकारी दिनुभयो ।
