श्रीराम दहित
स्मार्ट नेपालको चर्चा गरिन्छ चारैतिर !
छिट्टै सपना पूरा भए हुन्थ्यो ठाडो शिर !
शोषण उत्पीडन चतुर्याइँ गर्ने हरुबाट हुने छैन !
भोकभोकै कष्टपुर्ण कुपोषित नागरिक हुनुपर्ने छैन !
बन्द हडताल गरि गराइ कसैलाई दुखी हुनु नपरोस् !
वातावरण दुषित अपराध जन्य कर्म भोग्न नपरोस् !
नेतृत्व चिकित्सक शिक्षक चालक नितिविधीको कर्म गर्नेछन् !
हामी कसैलाई अप्रिय दुख कष्ट दुर्घटना यहाँ बेहोर्नु पर्नेछैन !
औषधि उपचार आधारभुत गर्जो टार्न !
किड्नी वा अन्य अङ्ग बेच्न बाध्यता बेहोर्न !
द्विविधा आशंका अविश्वास हुने छैन कसैगरि !
आक्रान्त हुनुपर्ने छैन चारैतिरको मारमा घरिघरि !
दाजुभाइ आफन्तजन सबैसंग सुमधुर सम्बन्ध हुनेछ !
दक्ष अर्धदक्ष जनशक्ति सदुपयोग गर्न सबै अग्रसर हुनेछ !
सम्पन्न स्वास्थ समृद्ध गाउँबस्ती शहर अनि देश भरि !
विपन्न अभाव बेरोजगार भइ नागरिकले देश छोड्ने छैनन् कसैगरी !
कसैलाई बिना कारण मर्नु मार्नु पर्ने छैन यहाँ !
कहालीलाग्दो दिन बितिसक्यो समृद्धि छाउनेछ यहाँ !
युवा जुट्ने छन् दुर्व्यसन त्यागी देशनिर्माणमा अब!
विकृतिजन्य रोग भोग सचेतनामा लाग्नेछन् सब !
बेचिनु पर्नेछैन युवा साझेदार कौडिको भाउमा!
बिचौलियाहरु बहाना मेसोमा आउने छैनन् घरमा!
